29. 04 VIII-02 Хроматски скали (дурска хроматска нагоре - надолу) (Теорија)

Во музичката практика постои уште еден вид скали наречени хроматски скали, коишто се состојат само од полустепени. Секоја хроматска скала преставува низа од 12 хроматски и дијатонски полустепени. Овие скали ги изведуваме од сите дијатонски дурски и молски скали и затоа ги делиме на хроматски дурски и хроматски молски скали.

Денес ќе се запознаеме со хроматската дурска скала. За да добиеме хроматска дурска скала, како основа ја земаме било која дијатонска дурска скала, а во неа ги задржуваме дијатонските полустепени (помеѓу III-IV и VII-VIII стапало). На пример, во C-dur хроматската дурска скала кога ја градиме нагоре, ги повишуваме I-то, II-то,IV-то и V-то стапало. Од хармонски причини шестото стапало не се повишува, туку наместо тоа хроматски се снижува седмото стапало.

Во надолната хроматска дурска скала исто така сите стапала се снижуваат освен V-то стапало, наместо тоа хроматски се повишува IV-то а потоа се разрешува односно се враќа природно.

На истиот начин може да добиеме хроматска дурска скала од било која друга дијатонска дурска скала. Еве уште еден пример, во овој случај во G-dur:

Домашна 1: Препиши ги примерите погоре во тетратка (без текстот);
Домашна 2: Напиши D-dur хроматска дурска скала (нагоре и надолу).

Домашните сликнете ги со смартфон и пратете ми ги на prokopievnenad@gmail.com